chiranjeevi: అందుకే చిరంజీవి మరింత బరువు పెరిగారట!
- 'సైరా' షూటింగులో చిరంజీవి
- కోకాపేట్ లో ప్రత్యేకమైన సెట్
- నెల రోజుల పాటు జరగనున్న షూటింగ్
ఈ మధ్య కాలంలో చిరంజీవిని చూసినవారు .. ఆయన మరింత బరువు పెరగడం గమనించారు. ఎప్పుడూ ఎంతో ఫిట్ గా కనిపించే చిరంజీవి ఇలా ఎందుకు లావయ్యారనే విషయాన్ని గురించే మాట్లాడుకున్నారు. అయితే ఆయనలా బరువు పెరిగింది 'సైరా' సినిమా కోసమేనట. ఈ సినిమాలోని ఫ్లాష్ బ్యాక్ ఎపిసోడ్ లో ఆయన మరింత వయసు మళ్లినవాడిగా కనిపించే సన్నివేశాలు వున్నాయట. అందుకోసమే ఆయన అలా కనిపిస్తున్నారని తెలుస్తోంది.
ప్రస్తుతం ఈ సినిమా షూటింగ్ హైదరాబాద్ శివారు 'కోకాపేట'లో వేసిన ప్రత్యేకమైన సెట్లో జరుగుతోంది. చిరంజీవితో పాటు విజయ్ సేతుపతి .. తమన్నా కూడా ఈ షెడ్యూల్లో పాల్గొంటున్నారు. దాదాపు నెల రోజుల పాటు ఇక్కడ కీలకమైన సన్నివేశాలను చిత్రీకరించనున్నట్టు సమాచారం. చిరంజీవి పుట్టినరోజు సందర్భంగా ఆగస్టు 22వ తేదీన ఫస్టులుక్ ను రిలీజ్ చేయనున్నట్టు చెబుతున్నారు. 
