Salman Khan: ఈ ఏడాది అత్యధిక ఓపెనింగ్స్‌ రాబట్టిన బాలీవుడ్‌ సినిమాగా.. సల్మాన్‌ ఖాన్ కొత్త సినిమా!
- బాక్సాఫీస్‌ వద్ద దూసుకుపోతోన్న 'రేస్‌-3'
- శుక్రవారం రూ.30 కోట్ల వసూలు
- శనివారం రూ.38.14 కోట్లు
- ఆదివారం రూ.39.16 కోట్లు
బాలీవుడ్‌ నటుడు సల్మాన్‌ ఖాన్ కొత్త సినిమా 'రేస్‌-3' గత శుక్రవారం విడుదలైన విషయం తెలిసిందే. తొలిరోజున ఈ సినిమా రూ.30 కోట్ల వరకు వసూలు చేసింది. అలాగే, శనివారం రూ.38.14 కోట్లు, ఆదివారం రూ.39.16 కోట్లు వసూలు చేసినట్లు సినీ విశ్లేషకుడు తరణ్‌ ఆదర్శ్‌ తన ట్విట్టర్‌ ఖాతాలో పేర్కొన్నారు. మూడు రోజుల్లో ఈ సినిమా మొత్తం రూ.106.47 కోట్లు రాబట్టి, ఈ ఏడాది అత్యధిక ఓపెనింగ్స్‌ రాబట్టిన బాలీవుడ్‌ సినిమాగా నిలిచింది.
అలాగే రూ.100 కోట్ల క్లబ్‌లో చేరిన సల్మాన్‌ ఖాన్ నాలుగో సినిమాగా నిలిచింది. ఈ సినిమాకు రెమో డిసౌజా దర్శకత్వం వహించగా, అనిల్‌ కపూర్‌, బాబి డియోల్‌, జాక్వెలిన్‌ ఫెర్నాండెజ్, డైసీ షా, సకిబ్‌ సలీమ్‌ ప్రధాన పాత్రల్లో నటించారు.
