YSRCP: బుగ్గన, ఆకుల అడ్డంగా దొరికిపోయారు: టీడీపీ ఎంపీ కనకమేడల
- ఢిల్లీ పెద్దలను కలిసిన వీళ్లిద్దరూ మొండిగా వాదిస్తున్నారు
- ఈ వ్యవహారంపై మూడు రకాల వాదనలు వినిపించారు
- బీజేపీ డైరెక్షన్ లో నడుస్తున్న వైసీపీ ముసుగు తొలగించుకోవాలి
వైసీపీ, బీజేపీ నేతలు ఢిల్లీలో కలిసిన వ్యవహారంపై టీడీపీ విమర్శలు కొనసాగుతూనే ఉన్నాయి. తాజాగా, ఈ విషయమై టీడీపీ రాజ్యసభ సభ్యుడు కనకమేడల రవీంద్ర కుమార్ స్పందించారు. ఢిల్లీ పెద్దలను కలిసిన వ్యవహారంలో అడ్డంగా దొరికిపోయిన వైసీపీ ఎమ్మెల్యే బుగ్గన రాజేంద్రనాథ్ రెడ్డి, బీజేపీ ఎమ్మెల్యే ఆకుల సత్యనారాయణలు పొంతన లేని వాదనలు వినిపిస్తున్నారని, మొండిగా వాదిస్తున్నారని ఆరోపించారు.
ఈ వ్యవహారంపై బుగ్గన, ఆకుల మూడు రకాల వాదనలు వినిపించారని అన్నారు. పీఏసీ చైర్మన్ పదవిని దుర్వినియోగం చేసిన బుగ్గన ఆ పదవిలో కొనసాగేందుకు అనర్హుడని ఆయన అన్నారు. అసెంబ్లీ నిబంధనలకు విరుద్ధంగా వ్యవహరించిన బుగ్గన ఈ పదవి నుంచి స్వచ్ఛందంగా తప్పుకోవడం మంచిదని సూచించారు. బీజేపీ డైరెక్షన్ లో నడుస్తున్న వైసీపీ, తన ముసుగు తొలగించుకుని ఎవరిని కలసినా ఎవరికీ అభ్యంతరం ఉండదని కనకమేడల హితవు పలికారు.
