Viral Videos: టొరంటో ఆర్ట్ ఎగ్జిబిషన్లో చోరీ.. వీడియో వైరల్!
- కెనడాలోని టొరంటోలో ఘటన
- సుమారు 23 లక్షల విలువచేసే అర్ట్‌
- దొంగ కోసం గాలిస్తోన్న పోలీసులు
బ్రిటన్‌కు చెందిన గ్రాఫిటీ ఆర్టిస్ట్ బాంక్సీ వేసిన ఆర్ట్ వర్క్ ను ప్రదర్శనకు ఉంచగా, దాన్ని ఓ దొంగ చోరీ చేసిన ఘటన కెనడాలోని టొరంటోలో చోటు చేసుకుంది. ఆర్ట్‌వర్క్ ఎగ్జిబిషన్ జరుగుతోన్న సందర్భంగా అక్కడకు సందర్శకులు వచ్చి చూస్తున్నారు. అయితే, అక్కడ ఎవరూ లేని సమయం చూసిన ఓ దొంగ మెల్లిగా గదిలోకి ప్రవేశించి ఆ ఆర్ట్‌ను చోరీ చేసి, అడుగులో అడుగు వేసుకుంటూ వెళ్లిపోయాడు. ఆ ఆర్ట్ వర్క్ సుమారు 23 లక్షలు ఉంటుంది. ఇందుకు సంబంధించిన దృశ్యాలు సీసీటీవీ కెమెరాలో నిక్షిప్తమయ్యాయి. ఈ వీడియో ఇప్పుడు వైరల్ అయింది. సదరు దొంగ కోసం పోలీసులు గాలిస్తున్నారు.
