Chandrababu: బెంగళూరుకు బయల్దేరిన చంద్రబాబు
- విజయవాడ నుంచి బెంగళూరుకు పయనమైన సీఎం
- కుమారస్వామి ప్రమాణస్వీకారానికి హాజరు
- పలు పార్టీల అధినేతలతో సమావేశమయ్యే అవకాశం
ఏపీ ముఖ్యమంత్రి చంద్రబాబు నాయుడు బెంగళూరుకు బయల్దేరి వెళ్లారు. ఉండవల్లిలోని తన నివాసం నుంచి గన్నవరం ఎయిర్ పోర్టుకు వెళ్లిన ఆయన... ఆకాశమార్గంలో బెంగళూరుకు పయనమయ్యారు. ఈ సాయంత్రం 4.30 గంటలకు కుమారస్వామి ముఖ్యమంత్రిగా ప్రమాణస్వీకారం చేయబోతున్నారు. ఈ కార్యక్రమానికి చంద్రబాబు హాజరుకానున్నారు. కుమారస్వామి, దేవేగౌడల ఆహ్వానం మేరకు ఆయన ఈ కార్యక్రమానికి హాజరవుతున్నారు. ప్రమాణస్వీకార కార్యక్రమం ముగిసిన వెంటనే ఆయన తిరిగి విజయవాడ చేరుకుంటారు. తన బెంగుళూరు పర్యటనలో చంద్రబాబు వివిధ పార్టీల అధినేతలతో సమావేశం కానున్నట్టు సమాచారం.
