Hyderabad: హైదరాబాద్‌లోని పలు ప్రాంతాల్లో వర్షం
- కమ్ముకున్న మేఘాలు
- చల్లబడ్డ వాతావరణం
- పలు ప్రాంతాల్లో చిరు జల్లులు
చిరుజల్లులు కురవడంతో హైదరాబాదీయులు సేదదీరారు. ఉదయం 9 గంటల నుంచే ఎండల వేడితో ఉక్కపోతను ఎదుర్కుంటోన్న నగరవాసులు ప్రస్తుతం చల్లటి వాతావరణాన్ని చూస్తున్నారు. మేఘాలు కమ్ముకోవడంతో వాతావరణంలో వచ్చిన మార్పు ఆహ్లాదాన్నిస్తోంది. కొన్ని ప్రాంతాల్లో చిరుజల్లులు పడగా, మరికొన్ని ప్రాంతాల్లో ఓ మోస్తరు వర్షం పడుతోంది.
సికింద్రాబాద్, సీతాఫల్‌ మండి, పద్మారావు నగర్‌, చిలకలగూడ, బోయిన్‌పల్లి, మారేడుపల్లి, అడ్డగుట్ట, తుకారంగేట్, మల్కాజ్‌గిరి, నేరేడ్‌మెట్‌, ఈసీఐఎల్, నాగారం, కుషాయిగూడ, తార్నాక, నాచారం, హబ్సిగూడ, మల్లాపూర్‌, లాలాపేటతో పాటు పలు ప్రాంతాల్లో వర్షం పడుతోంది.
