bhuma akhilapriya: పెళ్లిపీటలు ఎక్కుతున్న మంత్రి భూమా అఖిలప్రియ.. భార్గవతో నిశ్చితార్థం
- హైదరాబాదులో జరిగిన నిశ్చితార్థం
- ఇద్దరూ గత కొద్ది కాలంగా ప్రేమించుకుంటున్నట్టు సమాచారం
- మంత్రి నారాయణకు భార్గవ బంధువు
ఏపీ మంత్రి, దివంగత భూమా నాగిరెడ్డి, శోభా నాగిరెడ్డిల కుమార్తె భూమా అఖిలప్రియ పెళ్లిపీటలు ఎక్కబోతున్నారు. భార్గవ్ ను ఆమె పెళ్లాడబోతున్నారు. వీరి నిశ్చితార్థం ఈరోజు హైదరాబాదులోని అఖిలప్రియ నివాసంలో జరిగింది. కుటుంబసభ్యులు, బంధువుల మధ్య ఈ నిశ్చితార్థ కార్యక్రమం వేడుకగా జరిగింది.
వీరి వివాహం ఆగస్టు 29వ తేదీన జరగనుంది. ఏపీ మంత్రి నారాయణ పెద్ద అల్లుడి సోదరుడే భార్గవ్. గత కొద్ది కాలంగా అఖిలప్రియ, భార్గవ ప్రేమించుకుంటున్నట్టు తెలుస్తోంది.
