trivikram: యాక్షన్ సీన్ తో ఎన్టీఆర్ మూవీ షూటింగ్ మొదలు
- త్రివిక్రమ్ తో ఎన్టీఆర్ మూవీ
- రామోజీ ఫిల్మ్ సిటీలో ఫస్టు షెడ్యూల్
- దసరాకి భారీస్థాయి విడుదల
త్రివిక్రమ్ దర్శకత్వంలో ఎన్టీఆర్ సినిమా రూపొందనుందనే సంగతి తెలిసిందే. ఈ సినిమా పూజా కార్యక్రమాలు జరుపుకున్న దగ్గర నుంచి, రెగ్యులర్ షూటింగ్ ఎప్పుడు మొదలవుతుందా అని అభిమానులంతా ఎంతో ఆసక్తికరంగా ఎదురుచూస్తున్నారు. వాళ్ల నిరీక్షణకు తెరదించేస్తూ ఈ సినిమా రెగ్యులర్ షూటింగ్ కొంతసేపటి క్రితం మొదలైంది.
హైదరాబాద్ - రామోజీ ఫిల్మ్ సిటీలో యాక్షన్ సీన్ తో ఈ సినిమా ఫస్టు షెడ్యూల్ ను ప్రారంభించారు. రామ్ - లక్ష్మణ్ డిజైన్ చేసిన ఒక ఫైట్ ను ఇక్కడ చిత్రీకరిస్తున్నారు. ఈ రోజున మొదలెట్టిన ఈ షెడ్యూల్ ఈ నెల 25 వరకూ కొనసాగనుంది. ఈ సినిమాలో కథానాయికగా పూజా హెగ్డేను ఖరారు చేసుకున్నారు. ఫ్యామిలీ ఎంటర్టైనర్ గా రూపొందుతోన్న ఈ సినిమాను దసరాకి ప్రేక్షకుల ముందుకు తీసుకురానున్నారు.
