Allu Arjun: అల్లు అర్జున్‌పై నెటిజన్ల ఆగ్రహం
- 'నా పేరు సూర్య' డైలాగుపై అభ్యంతరం
- 'సౌత్ ఇండియా, నార్త్ ఇండియా ఒక్కటే' అంటూ ఉన్న డైలాగు
- మ‌నోభావాలు దెబ్బతీసేలా ఉంద‌ని కామెంట్లు
అల్లు అర్జున్ హీరోగా వక్కంతం వంశీ దర్శకత్వంలో 'నా పేరు సూర్య' రూపొందుతోన్న విషయం తెలిసిందే. నిన్న బన్ని పుట్టిన రోజు సందర్భంగా ఈ సినిమాలోని మరో డైలాగును వదిలారు. ఇందులో బన్ని 'సౌత్ ఇండియా, నార్త్ ఇండియా, ఈస్ట్‌, వెస్ట్.. అన్ని ఇండియాలు లేవురా మ‌నకి.. ఒక్కటే ఇండియా' అని డైలాగ్ కొట్టాడు. అయితే, కొందరు నెటిజన్లకు ఈ డైలాగు నచ్చడం లేదు. కేంద్ర ప్ర‌భుత్వం దక్షిణ భారత దేశాన్ని పట్టించుకోవడం లేదని ఇటీవల తీవ్ర విమర్శలు వస్తోన్న నేపథ్యంలో ఇటువంటి డైలాగు రావడంతో నెటిజన్లు ఆగ్రహం వ్యక్తం చేస్తూ కామెంట్లు చేస్తున్నారు. ఈ డైలాగ్ తమ మ‌నోభావాల‌ని దెబ్బతీసేలా ఉంద‌ని అంటున్నారు.
