Salman Khan: సినీనటి టబు కాల్చమని చెప్పింది.. 'సల్మాన్ కృష్ణజింకల' కేసులో ప్రత్యక్ష సాక్షి
![](https://imgb.ap7am.com/thumbnail/tnews-47cd49be994d92bd4d59bbbbba31d41e2a0ca927.jpg)
- కోర్టులో చెప్పిన సాక్షి
- అప్పుడు సల్మాన్ పక్కనే ఉన్న టబు
- ఆమే రెచ్చగొట్టింది
కృష్ణజింకలను వేటాడి చంపిన కేసులో బాలీవుడ్ కండల వీరుడు సల్మాన్ ఖాన్కు ఐదేళ్ల జైలు శిక్ష, రూ.10 వేల జరిమాన విధిస్తూ న్యాయస్థానం తీర్పునిచ్చిన విషయం తెలిసిందే. ఈ కేసు విచారణకు సంబంధించి మరో విషయం బయటకు వచ్చింది. ఈ కేసులో ప్రత్యక్ష సాక్షిగా ఉన్న ఒకరు న్యాయస్థానంలో ఓ విషయాన్ని చెప్పారు.
అప్పట్లో ‘హమ్ సాథ్ సాథ్ హై’ సినిమాలో నటించిన సల్మాన్ ఖాన్ కృష్ణ జింకను వేటాడేటప్పుడు ఆయనతో పాటు ఇతర సినీనటులు ఉన్నారని, వేటాడుతున్నప్పుడు జీపులో పక్కనే ఉన్న టబు కాల్చమని సల్మాన్ ని రెచ్చగొట్టిందని చెప్పారు.
కాగా, ఈ కేసులో సల్మాన్ ఖాన్కి మాత్రమే శిక్ష పడింది. సల్మాన్ ఖాన్ తరఫు న్యాయవాది కోర్టులో వేసిన బెయిల్ దరఖాస్తు విషయమై సెషన్స్ కోర్టు రేపు ఉదయం తీర్పు వెలువరిస్తుంది.