balakrishna: బాలయ్య దర్శకత్వంలోనే ఎన్టీఆర్ బయోపిక్?
- ఎన్టీఆర్ బయోపిక్ విషయంలో ఆలస్యం
- అసంతృప్తికి లోనైన బాలకృష్ణ
- ఆయనే దర్శకుడంటూ ప్రచారం
తేజ దర్శకత్వంలో ఎన్టీఆర్ బయోపిక్ రూపొందనుందనీ .. ఎన్టీఆర్ పాత్రను బాలకృష్ణ చేయనున్నాడనే సంగతి తెలిసిందే. ఈ సినిమాను ఎన్టీఆర్ వర్ధంతి రోజైన జనవరి 18న లాంచ్ చేశారు. ఈ పాటికే ఈ సినిమా రెగ్యులర్ షూటింగు మొదలుకావలసి వుంది. అయితే తేజ .. వెంకటేశ్ తో ఒక సినిమా చేస్తూ బిజీగా వున్నాడు. దాంతో ఎన్టీఆర్ బయోపిక్ మరింత ఆలస్యం అవుతుందనే విషయం స్పష్టమవుతోంది.
ఇక ఈ సినిమాకి బాలకృష్ణనే దర్శకత్వం వహించనున్నాడనేది తాజా సమాచారం. ఈ ప్రాజెక్టు పట్ల తేజ అంతగా ఆసక్తిని చూపకపోవడం .. ఆయన ధోరణి పట్ల బాలకృష్ణ అసంతృప్తిగా వున్నట్టుగా ప్రచారం జరుగుతోంది. ఇక సమయాన్ని వృథా చేయకూడదనే ఉద్దేశంతో బాలకృష్ణనే దర్శకత్వ బాద్యతలను స్వీకరించాలని నిర్ణయించుకున్నట్టు చెప్పుకుంటున్నారు. ఇందులో వాస్తవమెంతన్నది చూడాలి మరి.
