kadapa: కడప వాసులకు శుభవార్త.. విజయవాడకు విమాన సర్వీసులు ప్రారంభం
- కడప నుంచి విజయవాడకు సర్వీసులు ప్రారంభించిన ట్రూజెట్
- సర్వీసులను ప్రారంభించిన ఎయిర్ పోర్ట్ డైరెక్టర్
- ఇప్పటికే ఇక్కడి నుంచి హైదరాబాద్, చెన్నైలకు సర్వీసులు
కడప నుంచి విజయవాడకు ఈరోజు ట్రూజెట్ విమానయాన సంస్థ సర్వీసులను ప్రారంభించింది. ఎయిర్ పోర్ట్ డైరెక్టర్ శివప్రసాద్ ఈ సర్వీసులను ప్రారంభించారు. ఈ సందర్భంగా ఆయన మాట్లాడుతూ, ఏపీ రాజధానికి ట్రూజెట్ సర్వీసులు ప్రారంభం కావడం సంతోషంగా ఉందని చెప్పారు. కడపవాసులు ఈ సదుపాయాన్ని వినియోగించుకోవాలని కోరారు. ఇప్పటికే కడప నుంచి హైదరాబాద్, చెన్నైలకు ట్రూజెట్ సర్వీసులు నడుస్తున్నాయి. మరోవైపు, విజయవాడకు ట్రూజెట్ సర్వీసులు ప్రారంభం కావడం పట్ల కడపవాసులు ఆనందం వ్యక్తం చేస్తున్నారు. కడపకు ఫ్లైట్ కనెక్టివిటీ పెరుగుతుండటం పట్ల హర్షం వ్యక్తం చేస్తున్నారు.
