egypt: మూడో అంతస్తు నుంచి పడిపోయిన చిన్నారి.. క్యాచ్ పట్టిన పోలీసు!
- ఓ అపార్ట్ మెంటులోని మూడో అంతస్తు బాల్కనీ నుంచి వేలాడుతోన్న పిల్లాడు
- గమనించిన పోలీసులు
- దృశ్యాలు అక్క‌డి సీసీ కెమెరాలో రికార్డు
- ఈజిప్టులోని అస్యుట్ నగరంలో ఘటన
ఓ అపార్ట్ మెంటులోని మూడో అంతస్తు నుంచి పడిపోయిన ఓ చిన్నారిని పోలీసులు క్యాచ్ ప‌ట్టుకుని ర‌క్షించారు. ఇందుకు సంబంధించిన దృశ్యాలు అక్క‌డి సీసీ కెమెరాలో రికార్డ‌య్యాయి. ఈజిప్టులోని అస్యుట్ నగరంలో ఇటీవల ఈ ఘటన చోటు చేసుకుంది. మూడో అంతస్తు బాల్క‌నీలో ఓ పిల్లాడు వేలాడుతున్న‌ట్లు అక్క‌డే ఉన్న కొంద‌రు పోలీసులు గుర్తించారు.
ఓ పోలీసు మూడో అంతస్తు ఎక్కి ఆ పిల్లాడిని ర‌క్షించ‌డానికి ప‌రుగెత్తాడు. ఆ బిల్డింగు కింద ఉన్న మిగ‌తా పోలీసులు అ పిల్లాడు ప‌డిపోతే క్యాచ్ ప‌ట్టుకోవాలని చూస్తున్నారు. అంతలోనే ఒక్క‌సారిగా ఆ చిన్నారి జారిప‌డిపోయాడు. చివ‌ర‌కు ఓ పోలీసు ఆ పిల్లాడికి ఎటువంటి గాయాలు త‌గ‌ల‌కుండా క్యాచ్ ప‌ట్టాడు.
