Adilabad: సీఎం కేసీఆర్‌ ప్రయాణిస్తున్న హెలికాప్టర్‌ లో పొగ.. తప్పిన ప్రమాదం..!
- హెలికాప్టర్‌లోని విహెచ్ఎఫ్ కిట్ నుంచి బయటకొచ్చిన పొగ
- బ్యాగును చాకచక్యంగా బయటపడేసిన భద్రతా సిబ్బంది
- సీఎం బాగానే ఉన్నారని, టూర్ కొనసాగుతుందన్న కేటీఆర్
తెలంగాణ ముఖ్యమంత్రి కేసీఆర్‌కు ప్రమాదం తప్పింది. ఆదిలాబాద్ పర్యటనకు ఆయన బయలుదేరిన హెలికాప్టర్‌లోని ఓ విహెచ్ఎఫ్ కమ్యూనికేషన్ సెట్‌ ఉన్న బ్యాగు నుంచి ఉదయం 10.30 గంటల ప్రాంతంలో పొగ రావడాన్ని గుర్తించారు. వెంటనే అప్రమత్తమైన భద్రతా సిబ్బంది ఆ బ్యాగును చాకచక్యంగా బయట పడేశారు.
ఈ ఘటనపై ఆయన కుమారుడు, రాష్ట్ర ఐటీ శాఖ మంత్రి కేటీఆర్ ట్విట్టర్‌లో స్పందించారు. ఇదే విషయాన్ని ముఖ్యమంత్రి కార్యాలయాన్ని తాను ఫోన్‌లో సంప్రదించానని, సీఎంకి ఎలాంటి ప్రమాదం జరగలేదని ఆయన చెప్పారు. సీఎం తన ఆదిలాబాద్ పర్యటనను కొనసాగిస్తారని కేటీఆర్ తెలిపారు.
