KCR: 'జయహో కేసీఆర్' అంటున్న లండన్... వీడియో చూడండి!
- రాజకీయాలకు అతీతంగా జన్మదిన వేడుకలు
- ప్రత్యేక వీడియో సాంగ్ ఆవిష్కరణ
- ఆద్యంతం ఆనందంగా సాగిన వేడుకలు
తెలంగాణ ముఖ్యమంత్రి కల్వకుంట్ల చంద్రశేఖర్ రావు జన్మదిన వేడుకలు లండన్ లో అద్భుత రీతిలో జరిగాయి. కేసీఆర్ అండ్ టీఆర్ఎస్ సపోర్టర్స్ ఆఫ్ యూకే ఆధ్వర్యంలో రాజకీయ పార్టీలకు అతీతంగా జరిగిన వేడుకల్లో వృద్ధుల సేవా సంఘం 'ఏజ్ లింక్', బ్రహ్మకుమారీస్ ప్రతినిధులు, పలువురు కేసీఆర్ అభిమానులు, యూకేలోని తెలుగు ఎన్నారైలు ఉత్సాహంగా పాల్గొన్నారు.
కేసీఆర్ చేస్తున్న అభివృద్ధి పనులను గుర్తు చేస్తూ, తయారు చేసిన ఓ వీడియో సాంగ్ ను ఈ సందర్భంగా 'ఏజ్ లింక్' వ్యవస్థాపకులు సిక్కా చంద్రశేఖర్ గౌడ్ ఆవిష్కరించారు. 'జయహో కేసీఆర్' అంటూ సాగే ఈ వీడియో వీక్షకులను ఆకర్షించేలా ఉంది. ఇక కేసీఆర్ బర్త్ డే వేడుకల్లో దాదాపు 100 మందికి పైగా వృద్ధులు పాల్గొన్నారు. ఈ కార్యక్రమం శివ కుమార్ చెలాపురం అధ్యక్షతన జరిగింది. యునైటెడ్ కింగ్ డమ్ నలుమూలల నుంచి పెద్దసంఖ్యలో వచ్చిన తెరాస పార్టీ శ్రేణులు 'కేసీఆర్ జిందాబాద్' అంటూ నినాదాలతో హోరెత్తించారు.
ఈ కార్యక్రమంలో గోలి తిరుపతి, నగేష్ కాసర్ల, సురేష్ గోపతి, భాస్కర్ పీటల, భాస్కర్ మొట్ట, శ్రీధర్ నీల, నరేష్ గుప్త మర్యాల ,మొహమ్మద్ జాఫర్, రాజేష్ ఎట్టిబోయిన, జయంత్ నార్పరాజు, డాన్ జూన్సన్, వేణు రెడ్డి, శివా నారపాక తదితరులతో పాటు ఏజ్ లింక్ సభ్యులు గ్రాహం బేకర్ ,రిచర్డ్ సిషన్ ,డీన్ క్యారీ ,సాలీ హౌగ్ ,అనిల్ పాండే ,పార్థ ముడూర్, మహిళా విభాగం సభ్యులు జ్యోతి రెడ్డి కాసర్ల, మంజుల పిట్టల, నందిని మొట్ట, శిరీష రెడ్డి, రమాదేవి, ప్రీతీ నోముల, రజిత స్వాతి, రామ దిశిత, స్వాతి పురుషోత్తమ్, తదితరులు పాల్గొన్నారు.
