budget: 18 ఏళ్లలో బడ్జెట్ 19 రెట్లు, ఆర్థిక రంగం 9 రెట్లు పెరగ్గా, వ్యక్తుల ఆదాయంలో వృద్ధి ఐదు రెట్లే!

01-02-2018 Thu 11:30 | National

అంతరాలను తెలియజేస్తున్న గణాంకాలు
బడ్జెట్ స్థాయిలో పెరగని తలసరి ఆదాయం
దేశ ఉత్పత్తిలో తగ్గిన సాగు రంగం పాత్ర

ఆర్థిక రంగం వృద్ధికి సమాంతరంగా వ్యక్తుల ఆదాయ స్థాయి పెరగడం లేదని గణాంకాలు చెబుతున్నాయి. 1991 నుంచి చూస్తే దేశ ఆర్థిక రంగం 9 రెట్లు పెరిగి 2.3 లక్షల కోట్ల డాలర్ల స్థాయికి చేరింది. 1991లో దేశ జీడీపీ 266 బిలియన్ డాలర్లే.

నాడు జీడీపీలో వ్యవసాయ రంగం వాటా 30 శాతం. ఇప్పుడు 17.4 శాతానికి క్షీణించింది. అంటే వ్యవసాయ రంగం పాత్ర కుచించుకుపోతుండగా, ఇతర రంగాల్లో అభివృద్ధి పెరిగినట్టు తెలుస్తోంది.
1991లో జీడీపీలో సేవల రంగం వాటా 39 శాతం అయితే, అదిప్పుడు 54 శాతానికి చేరింది.
1991లో పరిశ్రమల వాటా 30 శాతం అయితే అదిప్పుడు 29 శాతమే.
బడ్జెట్ సైజు 1991 నుంచి 19 రెట్లు వృద్ధి చెందింది. 2017-18లో ఇది రూ.21.47 లక్షల కోట్లు.
తలసరి ఆదాయంలో వృద్ది మాత్రం 5.6 రెట్లకు పరిమితం అయింది. 2016లో 1,709 డాలర్లు (సుమారు రూ.1.09 లక్షలు) అయితే, 1991లో ఇది 300 డాలర్లే.