ram gopal varma: కీరవాణి ట్వీట్ కు రామ్ గోపాల్ వర్మ రీట్వీట్!

30-01-2018 Tue 10:56 | Entertainment

వర్మ నన్ను ఓ మెట్టు ఎక్కించాడు
నన్ను నమ్మిన పిచ్చి దర్శకుడు అన్న కీరవాణి
కీరవాణిని పిచ్చి జీనియస్ అన్న వర్మ

రామ్ గోపాల్ వర్మ దర్శకత్వంలో 'గాడ్, సెక్స్ అండ్ ట్రూత్' అనే లఘు చిత్రం తెరకెక్కిన సంగతి తెలిసిందే. ఈ చిత్రానికి కీరవాణి సంగీతం అందించారు. తాజాగా ట్విట్టర్ ద్వారా కీరవాణి స్పందిస్తూ, "వర్మ తెలివితేటలు నన్ను ఓ మెట్టు ఎక్కించాయి. 1991లో రొమాన్స్ ను, 1992లో కామెడీని, 2018లో సెక్స్ కు సంగీతం అందించాను. ఈ ఏడాదిలో ఆయన తీస్తున్న హారర్, వయోలెన్స్ చిత్రాలకు సంగీతం అందించబోతున్నా. నన్ను నమ్మిన పిచ్చి దర్శకుడికి థ్యాంక్స్" అంటూ ట్వీట్ చేశాడు.

ఈ ట్వీట్ పై వర్మ స్పందించాడు. 'నువ్వు నాకన్నా పిచ్చోడివి. నీలాంటి పిచ్చి జీనియస్ మాత్రమే క్షణక్షణం నుంచి అన్నమయ్యకు... అక్కడి నుంచి బాహుబలికి... అక్కడి నుంచి గాడ్, సెక్స్ అండ్ ట్రూత్ కు జంప్ కాగలరు' అంటూ ట్వీట్ చేశారు.