rajani: '2.0' సినిమా ఆ రోజున కూడా రావడం లేదా?
- గ్రాఫిక్స్ వర్క్ లో '2.0'
- పనులు పూర్తికావడానికి మరింత సమయం
- రిలీజ్ డేట్ మారే ఛాన్స్
రజనీకాంత్ .. అక్షయ్ కుమార్ .. ఎమీ జాక్సన్ ప్రధాన పాత్రలుగా శంకర్ '2.0' సినిమాను తెరకెక్కించారు. ప్రస్తుతం ఈ సినిమాకి సంబంధించిన గ్రాఫిక్స్ వర్క్ జరుగుతోంది. ఈ సినిమాను ఏప్రిల్ 13వ తేదీన విడుదల చేయనున్నట్టు చెప్పారు. అయితే అప్పటికి పనులు ఇంకా పూర్తి కావనేది తాజా సమాచారం.
ఈ సినిమాలో గ్రాఫిక్స్ కి అత్యధిక ప్రాధాన్యత వుంది. అందువలన మరింత సమయం పడుతుందని, దీంతో ఏప్రిల్ 27వ తేదీన ఈ సినిమాను విడుదల చేసే ఛాన్స్ ఉందనే టాక్ వినిపిస్తోంది. అయితే శంకర్ మాత్రం .. పూర్తి స్థాయి అవుట్ పుట్ తనకి సంతృప్తికరంగా అనిపించిన తరువాతనే రిలీజ్ కి ఓకే చెబుతానని అంటున్నారట. అందువలన ఈ సినిమా విడుదల మరింత ఆలస్యం కావొచ్చనే అభిప్రాయాలు వ్యక్తమవుతున్నాయి. ఈ సినిమా రిలీజ్ డేట్ విషయంలో జరుగుతోన్న ఊగిసలాట, ఇతర సినిమాల దర్శక నిర్మాతలకు తీవ్రమైన అసహనాన్ని కలిగిస్తోందట.
