hand granade: హ్యాండ్ గ్రెనేడ్ రూపంలో ప‌వ‌ర్ బ్యాంక్...ఢిల్లీ ఎయిర్‌పోర్ట్‌లో క‌ల‌క‌లం
- సెక్యూరిటీ చెక్‌లో బ‌య‌ట‌ప‌డిన విష‌యం
- ప‌వ‌ర్ బ్యాంక్ అని తేల‌డంతో విమానం ఎక్కేందుకు అనుమ‌తి
- కాసేపు ఆందోళ‌న చెందిన సెక్యూరిటీ సిబ్బంది
హ్యాండ్ గ్రెనేడ్ రూపంలో ఉన్న ప‌వ‌ర్ బ్యాంక్ కార‌ణంగా ఢిల్లీ ఇందిరాగాంధీ ఎయిర్‌పోర్ట్‌లో కాసేపు క‌ల‌క‌లం జ‌రిగింది. ఢిల్లీ నుంచి అహ్మ‌దాబాద్ వెళ్తున్న ఓ యువ‌కుడి బ్యాగ్‌లో ఈ ప‌వ‌ర్ బ్యాంక్ ఉంది. సెక్యూరిటీ చెక్‌లో భాగంగా ఈ విష‌యం బ‌య‌ట‌ప‌డింది.
హ్యాండ్ గ్రెనేడ్ రూపంలో ఉన్న ప‌వ‌ర్ బ్యాంక్‌ని గుర్తించ‌గానే సెక్యూరిటీ సిబ్బంది యువ‌కుడిని అదుపులోకి తీసుకున్నారు. ఆ తర్వాత అది ప‌వ‌ర్ బ్యాంక్ అని నిర్ధారించుకుని విమానం ఎక్కేందుకు అత‌న్ని అనుమ‌తించారు. హ్యాండ్ గ్రెనేడ్ రూపంలో ఉన్న ప‌వ‌ర్ బ్యాంక్‌ని చూడ‌గానే తాము ఆందోళ‌న చెందామ‌ని, వెంట‌నే ర‌క్ష‌ణ సిబ్బందిని కూడా అప్ర‌మ‌త్తం చేసిన‌ట్లు గో ఎయిర్ ప్ర‌తినిధి తెలిపారు.
