payment: ఏటీఎం కార్డు అంద‌జేస్తున్న పేటీఎం పేమెంట్స్ బ్యాంక్‌... ఆర్డ‌ర్ చేయండిలా!

• పేమెంట్స్ బ్యాంక్‌లో డ‌బ్బుల‌ను డ్రా చేసుకునే అవ‌కాశం
• ప్ర‌స్తుతం ఐఓఎస్ యూజ‌ర్ల‌కు మాత్ర‌మే
• త్వ‌ర‌లో ఆండ్రాయిడ్ యూజ‌ర్ల‌కు కూడా

---

త‌మ పేమెంట్స్ బ్యాంక్ వినియోగ‌దారుల‌కు ఎప్పుడు కావాలంటే అప్పుడు డ‌బ్బులు డ్రా చేసుకునేందుకు వీలుగా పేటీఎం కొత్త ఫీచ‌ర్‌ను అందుబాటులోకి తీసుకువ‌చ్చింది. అందుకోసం ఓ డెబిట్ లేదా ఏటీఎం కార్డును అంద‌జేయ‌నుంది. ప్ర‌స్తుతం ఐఓఎస్ యూజ‌ర్ల‌కు మాత్ర‌మే అందుబాటులో ఉన్న ఈ స‌దుపాయం, త్వ‌ర‌లో ఆండ్రాయిడ్ యూజ‌ర్ల‌కు కూడా విస్త‌రించ‌నున్న‌ట్లు పేటీఎం తెలిపింది.

పేమెంట్స్ బ్యాంక్ అకౌంట్ ఉన్న వాళ్లంద‌రూ ఈ కార్డును పొంద‌వ‌చ్చు. ఇందుకోసం రూ. 120 చెల్లించాల్సి ఉంటుంది. పేటీఎం యాప్‌లో బ్యాంక్ సెక్ష‌న్ ఓపెన్ చేసి, డెబిట్ కార్డు సెలక్ట్ చేసుకోవాలి. త‌ర్వాత డెలివ‌రీ అడ్ర‌స్‌ను ఎంపిక చేసుకుని ఏటీఎంను రిక్వెస్ట్ చేసుకోవ‌చ్చు.