Congress: చెన్నారెడ్డి శతజయంతి ఉత్సవాలను ఘనంగా నిర్వహిస్తాం: కాంగ్రెస్ సీనియర్ నేత రోశయ్య
- ఎల్లుండి నుంచి ప్రారంభం కానున్న శతజయంతి ఉత్సవాలు
- ఈ ఏడాది పొడుగునా ఈ ఉత్సవాలు నిర్వహిస్తాం
- చెన్నారెడ్డి శతజయంతి ఉత్సవాలను ప్రభుత్వం అధికారికంగా నిర్వహించాలి: రోశయ్య విజ్ఞప్తి
మాజీ ముఖ్యమంత్రి మర్రి చెన్నారెడ్డి శతజయంతి ఉత్సవాలను ఘనంగా నిర్వహిస్తామని మాజీ గవర్నర్, మాజీ ముఖ్యమంత్రి రోశయ్య తెలిపారు. ఈరోజు ఆయన మీడియాతో మాట్లాడుతూ, ఎల్లుండి నుంచి ఈ ఏడాది పొడుగునా ఈ ఉత్సవాలు నిర్వహిస్తామని అన్నారు. ఈ ఉత్సవాలకు మాజీ ప్రధాని మన్మోహన్ సింగ్ తో పాటు పలువురు ప్రముఖులు హాజరవుతారని అన్నారు.
ఈ శతజయంతి ఉత్సవాల్లో పాల్గొనేందుకు దేశం నలుమూలల నుంచి కాంగ్రెస్ పార్టీ నేతలు, నాయకులు హాజరుకానున్నట్టు చెప్పారు. చెన్నారెడ్డి శతజయంతి ఉత్సవాలను ప్రభుత్వం అధికారికంగా నిర్వహించాలని ఈ సందర్భంగా ఆయన విజ్ఞప్తి చేశారు. చెన్నారెడ్డి నాయకత్వ పటిమను యావత్ దేశం కొనియాడిందని, ఆయన ఒక ప్రాంతానికి పరిమితమైన నాయకుడు కాదని అన్నారు.
