varun tej: కష్టాలనుంచి బయటపడిన నాగబాబు .. బెంజ్ కారు కొనేసిన వరుణ్ తేజ్
- బుల్లితెరపై బిజీగా నాగబాబు
- నటిగా నిహారికకి క్రేజ్
- హీరోగా వరుణ్ తేజ్ కి గుర్తింపు
ఆ మధ్య చరణ్ తో నాగబాబు 'ఆరెంజ్' అనే సినిమాను నిర్మించిన సంగతి తెలిసిందే. ఈ సినిమా భారీ నష్టాన్ని మిగల్చడంతో నాగబాబు ఆర్ధికంగా చాలా ఇబ్బందులుపడ్డారు. ఆ సమయంలో తక్కువ రెంట్ వున్న ఇంట్లోకి మారిపోయామనీ .. ఆత్మహత్య చేసుకోవాలనుకున్నానని కొన్ని సందర్భాల్లో నాగబాబు చెప్పారు కూడా.
చిరూ .. పవన్ అండదండలతో ధైర్యం తెచ్చుకున్న ఆయన, ఆ తరువాత టీవీ షోస్ తో బిజీ అయ్యారు. మరో వైపున నటిగా నిహారిక .. హీరోగా వరుణ్ తేజ్ తమదైన రూట్లో కొనసాగుతున్నారు. ఈ నేపథ్యంలో నాగబాబు నష్టాల నుంచి బయటపడ్డారు. ఇటీవలే తండ్రికి ఒక ఖరీదైన కారును వరుణ్ తేజ్ గిఫ్ట్ గా ఇచ్చాడు. తాజాగా తల్లిదండ్రులను హైదరాబాద్ లోని బెంజ్ షోరూమ్ కి తీసుకెళ్లి, 1 కోటి 30 లక్షల రూపాయల ఖరీదైన mercedes Benz GL 350 మోడల్ కారును ఆయన కొనుగోలు చేశాడట. ఎన్టీఆర్ .. అల్లు అర్జున్ ఇదే మోడల్ కారును వాడుతున్నారు.
