goranti venkanna: గోరటి వెంకన్నకు అరుణ్ సాగర్ సాహితీ పురస్కారం
- తెలంగాణ మీడియా అకాడమీ చైర్మన్ ప్రకటన
- ఉత్తమ జర్నలిస్ట్ అవార్డుల ప్రదానోత్సవం
- తెలుగు విశ్వవిద్యాలయంలో రేపు నిర్వహించనున్న కార్యక్రమం
ప్రముఖ కవి, గాయకుడు గోరటి వెంకన్న అరుణ్ సాగర్ సాహితీ పురస్కారం అందుకోనున్నారు. ఈ విషయాన్ని తెలంగాణ మీడియా అకాడమీ చైర్మన్ అల్లం నారాయణ తెలిపారు. ఈ మేరకు ఓ ప్రకటన విడుదల చేశారు. ప్రముఖ కవి, రచయిత, సీనియర్ పాత్రికేయుడు అరుణ్ సాగర్ పేరిట ఉత్తమ జర్నలిస్ట్ అవార్డుల ప్రదాన కార్యక్రమం రేపు నిర్వహించనున్నట్టు తెలిపారు.
పొట్టి శ్రీరాములు తెలుగు యూనివర్శిటీలో రేపు సాయంత్రం 6 గంటలకు జరగనున్న ఈ కార్యక్రమానికి ముఖ్యఅతిథిగా మంత్రి హరీశ్ రావు హాజరుకానున్నారని తెలిపారు. కాగా, 2016 ఫిబ్రవరి 12న అరుణ్ సాగర్ మృతి చెందారు. పత్రికారంగంలో, ఎలక్ట్రానిక్ మీడియాలో ఆయన పనిచేశారు. ‘మేలుకొలుపు’, ‘మ్యూజిక్ డైస్’, ‘మ్యాగ్జిమమ్ రిస్క్’ కవితా సంకలనాలు ఆయనకు మంచిపేరు తీసుకొచ్చాయి.
