snapchat: మారుతండ్రిని చంపి స్నాప్‌చాట్‌లో వీడియో... అమెరికాలో యువ‌కుడి దారుణం
- చాకుతో మెడ దగ్గర పోట్లు
- అరెస్టు చేసిన పోలీసులు
- ఇంటి గొడ‌వ‌లే కార‌ణం
అమెరికాలోని కొలెరాడోకి చెందిన 19 ఏళ్ల యువ‌కుడు మారుతండ్రిని హ‌త్య చేసి ఆ వీడియోను స్నాప్‌చాట్‌లో అప్‌లోడ్ చేశాడు. నికోల‌స్ ఖ‌లీల్ విల్స‌న్, త‌న మారుతండ్రి ఆస్కార్ లెమార్‌కి మ‌ధ్య ఇంటి ఆర్థిక అవ‌స‌రాల‌కు సంబంధించి ఓ చిన్న గొడ‌వ జ‌రిగింది. అది మ‌న‌సులో పెట్టుకుని ఓ ప‌దునైన చాకు లాంటి వ‌స్తువు తీసుకుని లెమార్ మెడ దగ్గర, భుజం మీద పొడిచాడు.
అంతేకాకుండా త‌న మారుతండ్రిని చంపిన‌ట్లుగా వెల్ల‌డిస్తూ ఓ వీడియో తీసుకుని స్నాప్‌చాట్‌లో కూడా అప్‌లోడ్ చేశాడు. వీడియో చూసిన స్నేహితులు పోలీసుల‌కు స‌మాచార‌మిచ్చారు. ఆ వీడియోలో లెమార్ మృత‌దేహం దగ్గర నికోల‌స్ త‌ల్లి సెలీనా ఏడుస్తుండటం కూడా ఉంద‌ని పోలీసులు చెప్పారు. హ‌త్య చేసిన అనంత‌రం నికోల‌స్ పారిపోవడానికి ప్ర‌య‌త్నించాడ‌ని, అత‌ని చేతికి కూడా గాయం అయింద‌ని పోలీసులు తెలిపారు.
