Prakash Raj: ఈ కారణం వల్లే నేను రాజకీయాల్లోకి రావడం లేదు: ప్రకాశ్ రాజ్
- సినిమా వాళ్లు రాజకీయాల్లోకి వస్తే.. దేశం నాశనం అవుతుంది
- నటులు పార్టీలు పెట్టడాన్ని సమర్థించను
- నటులకు కులమతాలకు అతీతంగా అభిమానులు ఉంటారు
ప్రముఖ సినీ నటుడు ప్రకాశ్ రాజ్ సంచలన వ్యాఖ్యలు చేశారు. సినిమావాళ్లు రాజకీయాల్లోకి వస్తే, దేశం నాశనం అవుతుందని ఆయన అన్నారు. ఈ కారణం వల్లే తాను రాజకీయాలకు దూరంగా ఉన్నానని చెప్పారు. సినీ నటులు రాజకీయాల్లోకి ప్రవేశించడం, రాజకీయ పార్టీలను పెట్టడాన్ని తాను సమర్థించనని తెలిపారు.
బెంగళూరులో ఈ రోజు ఓ కార్యక్రమానికి హాజరైన ప్రకాశ్ రాజ్... అక్కడ ప్రసంగిస్తూ ఈ మేరకు స్పందించారు. సినీ నటులకు కులమతాలకు అతీతంగా అభిమానులు ఉంటారని... రాజకీయాల్లోకి ప్రవేశిస్తే కొన్ని వర్గాల ప్రజలు తమకు దూరమవుతారని అన్నారు. అభిమానుల పట్ల బాధ్యతతో ప్రవర్తించాలనుకునే నటులు ఎవరైనా సరే రాజకీయాలకు దూరంగా ఉండాలని సూచించారు.
