america: వారెవ్వా.. అదృష్టం అంటే ఆమెదే... ఒకే రోజు రెండు లాటరీలు!
- 6.4 లక్షల రూపాయలు లాటరీ గెలుచుకున్న కింబర్లీ మోరిస్
- ఆ డబ్బులో 1300 రూపాయలతో మరో టికెట్ కొనుగోలు చేసిన కింబర్లీ
- దానికి 6.47 కోట్ల రూపాయల నగదు బహుమతి లభ్యం
అమెరికాకు చెందిన ఒక మహిళను చూసిన వారంతా అదృష్టం అంటే ఆమెదేనని పేర్కొంటున్నారు. ఎందుకంటే, ఒకే రోజు ఆమె రెండు లాటరీలు గెలుచుకుంది మరి! ఆ వివరాల్లోకి వెళ్తే... అమెరికాలోని ఉత్తర కరోలినాకు చెందిన కింబర్లీ మోరిస్ అనే మహిళ ఇటీవల డైమండ్‌ డ్యాజ్లర్‌ లాటరీ టికెట్ కొనుగోలు చేసింది. ఈ లాటరీ ఆమెను వరించింది. ఇందులో ఆమె 6.4 లక్షల రూపాయల నగదు గెల్చుకుంది.
వెంటనే లాటరీ మొత్తాన్ని తీసుకుని, అందులోంచి 1300 రూపాయలు ఖర్చు చేసి, మరో లాటరీ టికెల్ కొనుగోలు చేసింది. ఈ సారి ఆమెను మరింత అదృష్టం వరించింది. దీనికి 6.47 కోట్ల రూపాయల నగదు బహుమతి తగలింది. దీంతో ఆమె ఆనందంతో ఉబ్బితబ్బిబ్బైంది. ఈ లాటరీలో పన్నులన్నీ పోను ఆమె ఖాతాలో 2.5 కోట్ల రూపాయలు చేరాయి. తాను పెద్ద మొత్తాన్ని గెలుచుకుంటానని కల కనేదాన్నని, అందుకే రెండో లాటరీ టికెట్ కొనుగోలు చేశానని, అది తగలడంతో తన కల నెరవేరిందని ఆమె తెలిపింది.
