kariappa: ఇండియన్ ఆర్మీ తొలి చీఫ్ కరియప్పకు భారతరత్న?
- కరియప్పను భారతరత్నకు సిఫారసు చేసిన ఆర్మీ
- ప్రకటించిన ఆర్మీ చీఫ్ బిపిన్ రావత్
- 5 స్టార్ ర్యాంక్ సాధించిన ఇద్దరు భారత సైనికాధికారుల్లో కరియప్ప ఒకరు
భారత ఆర్మీ తొలి చీఫ్, ఫీల్డ్ మార్షల్ కరియప్ప పేరును భారత్ అత్యున్నత పౌర పురస్కారం భారతరత్నకు సిఫారసు చేశారు. ఈ విషయాన్ని ఆర్మీ చీఫ్ బిపిన్ రావత్ ప్రకటించారు. ఈ సందర్భంగా ఆయన మాట్లాడుతూ, భారతరత్నకు కరియప్ప అన్ని విధాలా అర్హులని అన్నారు. కర్ణాటకలోని కొడగు జిల్లాలో చదువుకున్న కరియప్ప ఆ తర్వాత సైన్యంలో చేరి ఆర్మీ చీఫ్ గా ఎదిగారని చెప్పారు. భారతరత్నకు కరియప్ప అనర్హుడు అని చెప్పడానికి మనకు ఒక్క కారణం కూడా కనిపించదని అన్నారు. ఎందరినో భారతరత్నతో సత్కరించారని... మన దేశ సైన్యానికి దిశానిర్దేశం చేసిన కరియప్పను కూడా ఆ పురస్కారంతో గౌరవించాలని కేంద్ర ప్రభుత్వాన్ని కోరారు. నిన్న కొడగులో పర్యటించిన బిపిన్ రావత్... ఆర్మీ తొలి చీఫ్ కరియప్ప విగ్రహాన్ని ఆవిష్కరించారు. ఈ సందర్భంగా ఆయన మాట్లాడుతూ పైవ్యాఖ్యలు చేశారు.
1949లో ఇండియన్ ఆర్మీకి కమాండర్ ఇన్ చీఫ్ గా కరియప్ప నియమితులయ్యారు. 5 స్టార్ ర్యాంకింగ్ సాధించిన ఇద్దరు భారత సైనికాధికారుల్లో కరియప్ప ఒకరు. 1947 ఇండో-పాక్ యుద్ధం, 1965 ఇండో-పాక్ యుద్ధంలో కరియప్ప పాల్గొన్నారు. 1993లో ఆయన కన్నుమూశారు.
