allu arjun: 'నా పేరు సూర్య' విడుదల తేదీని ఖరారు చేసేశారు!
- 'భరత్ అను నేను' రిలీజ్ డేట్ ఖరారు
- ఏప్రిల్ 27వ తేదీన విడుదల
- 'నా పేరు సూర్య' విడుదల తేదీపై సందేహాలు
- ముందుగా చెప్పిన తేదీలో మార్పు లేదన్న బన్నీ వాసు
వక్కంతం వంశీ దర్శకత్వంలో అల్లు అర్జున్ కథానాయకుడిగా 'నా పేరు సూర్య నా ఇల్లు ఇండియా' తెరకెక్కుతోంది. ఇప్పటికే ఈ సినిమా కొంతవరకూ షూటింగ్ జరుపుకుంది. ఈ సినిమా షూటింగును మొదలెట్టిన కొన్ని రోజులకే, వచ్చే ఏడాది ఏప్రిల్ 27వ తేదీన దీనిని విడుదల చేయనున్నట్టుగా చెప్పారు.
ఇక కొరటాల శివ .. మహేశ్ కాంబినేషన్లో 'భరత్ అను నేను' తెరకెక్కుతోన్న సంగతి తెలిసిందే. ఈ సినిమాను ఏప్రిల్ 27వ తేదీన విడుదల చేయనున్నట్టుగా రీసెంట్ గా ప్రకటించారు. దాంతో 'నా పేరు సూర్య' విడుదల వాయిదాపడి ఉంటుంది .. అందువల్లనే ఆ డేట్ లో మహేశ్ మూవీ వస్తోందనే ఊహాగానాలు ఎక్కువయ్యాయి. ఈ నేపథ్యంలో 'నా పేరు సూర్య' ఎగ్జిక్యూటివ్ ప్రొడ్యూసర్ బన్నీవాసు మాట్లాడుతూ, ముందుగా చెప్పినట్టుగానే తమ సినిమా ఏప్రిల్ 27నే వస్తుందని స్పష్టం చేశాడు. రెండు భారీ సినిమాలు ఒకే రోజున విడుదలవుతుండటం ఆసక్తిని రేకెత్తించే అంశమే.
