guinness: ప్రమిదలలో మిగిలిన నూనె కోసం ప‌రుగులు!

21-10-2017 Sat 12:00 | National

ప్ర‌మిద‌ల్లో మిగిలిన నూనె కోసం స్థానికుల ప‌రుగులు
పోటీ ప‌డిన‌ పిల్ల‌లు, మ‌హిళ‌లు
వైర‌ల్‌గా మారిన ఫొటోలు

దీపావ‌ళి పండ‌గ సంద‌ర్భంగా అయోధ్య‌లోని స‌ర‌యు ఘాట్ వ‌ద్ద 14వేల లీట‌ర్ల నూనెతో 1.87 ల‌క్ష‌ల దీపాల‌ను వెలిగించి గిన్నిస్ రికార్డు సృష్టించిన సంగ‌తి తెలిసిందే. ఈ రికార్డు వ‌ల్ల అయోధ్య‌కు పూర్వ వైభ‌వం తిరిగి వ‌చ్చింద‌ని అంద‌రూ అభిప్రాయ‌ప‌డ్డారు. దీపాల ఫొటోల‌ను షేర్ చేసి గ‌ర్వ‌ప‌డ్డారు. కానీ ఆ మ‌ర్నాడు ఆ ప్రాంత ప‌రిస్థితి గురించి ఎవ‌రూ ప‌ట్టించుకోలేదు. అయితే గిన్నిస్ రికార్డుకు, మ‌ర్నాటి ప‌రిస్థితుల‌కు సంబంధించిన ఫొటోలు కొన్ని సోష‌ల్ మీడియాలో వైర‌ల్‌గా మారాయి.

దీపాలు ఆరిపోయాక ఆ ప్ర‌మిద‌ల్లో మిగిలిపోయిన నూనెను తెచ్చుకోవడానికి స్థానికులు ఆరాటపడుతూ పరుగులు పెట్టారు. డ‌బ్బాలు ప‌ట్టుకుని పిల్ల‌లు, మ‌హిళ‌లు మిగిలిన నూనెను సేక‌రిస్తున్న ఫొటోలు సోష‌ల్ మీడియాలో వైర‌ల్ అయ్యాయి.