sai dharam tej: సాయిధరమ్ తేజ్ కనిపించేది 'జవాన్' గా కాదా?
- సాయిధరమ్ తేజ్ తాజా చిత్రంగా 'జవాన్'
- దర్శకుడిగా బీవీఎస్ రవి
- కథానాయికగా మెహ్రీన్
- డిసెంబర్ 1వ తేదీన విడుదల
సాయిధరమ్ తేజ్ .. బీవీఎస్ రవి కాంబినేషన్లో 'జవాన్ సినిమా తెరకెక్కింది. హీరోయిన్ స్నేహ భర్త ప్రసన్న కీలకమైన పాత్రను పోషించిన ఈ సినిమాలో, కథానాయికగా మెహ్రీన్ నటించింది. ఈ సినిమా పూర్తయి .. సరైన విడుదల సమయం కోసం ఎదురుచూస్తోంది.
పెద్దగా పోటీ లేకపోవడంతో ఈ సినిమాను డిసెంబర్ 1వ తేదీన విడుదల చేయాలనే నిర్ణయానికి దర్శక నిర్మాతలు వచ్చినట్టుగా సమాచారం. ఇక టైటిల్ ను బట్టి ఈ సినిమాలో సాయిధరమ్ తేజ్ 'జవాన్' గా కనిపిస్తాడని అనుకున్నారు. కానీ ఈ సినిమాలో ఆయన ఆర్ఎస్ఎస్ సభ్యుడుగా కనిపిస్తాడనే టాక్ ఫిల్మ్ నగర్లో వినిపిస్తోంది. ఇందులో వాస్తవమెంతో గానీ, ఇప్పుడు ఇదే హాట్ టాపిక్ గా మారింది. ప్రస్తుతం సాయిధరమ్ తేజ్ .. వినాయక్ సినిమాతో బిజీగా ఉన్నాడనే సంగతి తెలిసిందే.
