samanta: సినిమా కబుర్లు... సంక్షిప్త సమాచారం!
- 'డాబర్ వాటిక' ప్రచార చిత్రం షూటింగులో సమంత
- విక్రం తమిళ చిత్రం తెలుగు అనువాదం పేరు '10'
- మూడు భాషల 'క్వీన్' షూటింగుకి రెడీ
* ఇటు సినిమాలు, అటు కమర్షియల్స్ తో బిజీగా వున్న చెన్నయ్ బ్యూటీ సమంత గత నాలుగేళ్లుగా 'డాబర్ వాటిక' ఉత్పత్తులకు ప్రచార కర్తగా వ్యవహరిస్తోంది. ఈ క్రమంలో ఈ బ్రాండ్ కోసం తాజాగా ఈ ముద్దుగుమ్మపై ఓ ప్రచార చిత్రాన్ని షూట్ చేశారు. త్వరలో ఇది టీవీలలో ప్రసారం అవుతుంది.
* తమిళ కథానాయకుడు విక్రం హీరోగా విజయ్ మిల్టన్ దర్శకత్వంలో రూపొందుతున్న '10 ఎన్నత్తు కుల్ల' తమిళ చిత్రాన్ని తెలుగులోకి '10' పేరుతో డబ్ చేస్తున్నారు. సమంత నాయికగా నటిస్తున్న ఈ చిత్రం ఫస్ట్ లుక్ ను నిన్న రిలీజ్ చేశారు.
* 'క్వీన్' తెలుగు రీమేక్ షూటింగ్ వచ్చే నెల నుంచి జరుగుతుంది. తెలుగు వెర్షన్లో తమన్నా కథానాయికగా నటిస్తుండగా నీలకంఠ దర్శకత్వం వహిస్తున్నాడు. తమిళ వెర్షన్లో కాజల్ అగర్వాల్ కథానాయికగా నటిస్తోంది. ఇక కన్నడ రీమేక్ లో పారుల్ యాదవ్ నాయిక పాత్ర పోషిస్తోంది.
