mahesh babu: తమిళ 'స్పైడర్' కోసం పక్కా ప్లానింగ్ తో మహేశ్ బాబు!
- తెలుగు .. తమిళ భాషల్లో ఒకే రోజున 'స్పైడర్'రిలీజ్
- పక్కా ప్లానింగ్ తో తమిళ 'స్పైడర్' ప్రమోషన్స్
- తెలుగుతో పాటు తమిళంలో హిట్ కొట్టాలనే ఆలోచనలో మహేశ్
- అక్కడి హీరోల్లోను ఈ సినిమా పట్ల ఆసక్తి
మహేశ్ బాబు .. మురుగదాస్ కాంబినేషన్లో రూపొందిన 'స్పైడర్' చిత్రం, తెలుగు .. తమిళ భాషల్లో ఈ నెల 27వ తేదీన విడుదల కానుంది. ఈ నేపథ్యంలో తమిళ వెర్షన్ కి సంబంధించిన ప్రమోషన్స్ లో పాల్గొనడానికి మహేశ్ రెడీ అవుతున్నాడట. ఇందుకోసం ఆయన పక్కా ప్రణాళిక సిద్ధం చేసుకున్నాడని అంటున్నారు.
ఆ ప్లాన్ ప్రకారం తమిళ టీవీ చానల్స్ కి వరుసగా ఇంటర్వ్యూలు ఇవ్వడం .. అక్కడి టీవీ గేమ్ షోస్ లో పాల్గొనడం .. ప్రముఖ దిన పత్రికలకు ఇంటర్వ్యూలు ఇవ్వడం చేస్తాడట. చాలా చురుకుగా .. చకచకా ఈ పనులను పూర్తి చేసేలా ఆయన రంగాన్ని సిద్ధం చేస్తున్నారట. ఈ మూవీ పట్ల అక్కడి హీరోలు సైతం ఆసక్తిని చూపుతుండటం విశేషం. తమిళంలో మహేష్ కి ఇది ఫస్టు మూవీ కనుక, తప్పకుండా హిట్ కొట్టాలనే పట్టుదలతో ఉన్నట్టు చెబుతున్నారు. ఆయన ప్రయత్నం ఎంతవరకూ ఫలిస్తుందో చూడాలి మరి.
