ntr: 70 కోట్లకు 'జై లవ కుశ' థియేటర్ రైట్స్!
ఇప్పుడు అందరి దృష్టి 'జై లవ కుశ' సినిమాపైనే వుంది. ఎన్టీఆర్ త్రిపాత్రాభినయం చేస్తుండటం ..ముగ్గురు కథానాయికలు ఆయన సరసన కనిపించనుండటం ఇంతటి ఆసక్తికి కారణమైంది. జనంలో వున్న ఈ క్రేజ్ కారణంగానే ఈ సినిమా బిజినెస్ కూడా ఒక రేంజ్ లో జరిగినట్టుగా చెబుతున్నారు. తెలుగు రాష్ట్రాల్లో ఈ సినిమా థియేటర్ రైట్స్ 70 కోట్లకి అమ్ముడైనట్టు తాజా సమాచారం.
బిజినెస్ ఓపెన్ చేసిన రోజునే వివిధ ఏరియాలకు సంబంధించిన థియేటర్ రైట్స్ హాట్ కేకుల్లా అమ్ముడు కావడం విశేషం. ఈమధ్య కాలంలో ఈ స్థాయిలో .. ఇంత వేగంగా బిజినెస్ జరిగిన సినిమా ఇదేనని చెప్పుకుంటున్నారు. దసరాకి ఈ సినిమాను విడుదల చేయనున్నారు. ఈ సినిమాతో ఎన్టీఆర్ కి మరో భారీ విజయం ఖాయమనే టాక్ వినిపిస్తోంది.
