త్వ‌ర‌లో 6వేల పోస్టుల‌తో మ‌రో మెగా డీఎస్‌సీ: భ‌ట్టి విక్ర‌మార్క‌

నిరుద్యోగుల‌కు తెలంగాణ డిప్యూటీ సీఎం, మంత్రి మ‌ల్లు భ‌ట్టి విక్ర‌మార్క తీపి క‌బురు చెప్పారు. త్వ‌ర‌లోనే 6వేల పోస్టుల‌తో మ‌రో మెగా డీఎస్‌సీ వేస్తామ‌ని భ‌ట్టి విక్ర‌మార్క ప్ర‌క‌టించారు. ఈరోజు రాష్ట్ర‌వ్యాప్త ఒక‌రోజు హాస్ట‌ల్ త‌నిఖీ కార్య‌క్ర‌మంలో భాగంగా ఖమ్మం, మ‌ధిర‌, బోన‌క‌ల్‌లోని సంక్షేమ‌, గురుకుల పాఠ‌శాలల‌ను త‌నిఖీ చేశారు. 

ఈ సంద‌ర్భంగా నేటి నుంచి రాష్ట్ర‌వ్యాప్తంగా అన్ని సంక్షేమ వసతి గృహాల్లో కొత్త మెనూను అధికారికంగా ప్రారంభించారు. ఈ సంద‌ర్భంగా భ‌ట్టి విక్ర‌మార్క మీడియాతో మాట్లాడారు. 10 సంవత్సరాలుగా మెస్, 16 సంవత్సరాలుగా కాస్మోటిక్స్ ఛార్జీలలో పెరుగుదల లేకపోవడంతో విద్యార్థులు ఇబ్బందులు పడ్డార‌ని తెలిపారు. తాము అధికారంలోకి వ‌చ్చిన వెంట‌నే పెరిగిన ధ‌ర‌ల‌కు అనుగుణంగా డైట్ ఛార్జీల‌ను 40 శాతం, కాస్మోటిక్ ఛార్జీల‌ను 200 శాతం పెంచామ‌న్నారు. అలాగే త్వ‌ర‌లో 6వేల పోస్టుల‌తో మ‌రో మెగా డీఎస్‌సీ నోటిఫికేష‌న్ ఇస్తామ‌న్నారు.