రష్యాలో స్పుత్నిక్-వీ వ్యాక్సిన్ అత్యవసర వినియోగానికి అనుమతులు
- ముందుగా 60 ఏళ్లు పైబడినవారికి వేసేందుకు అనుమతి
- ప్రయోగ పరీక్షల్లో ఫలితాలు సానుకూలం
- అనేక దేశాలతోనూ ఒప్పందాలు చేసుకున్నామని రష్యా ప్రకటన
రష్యాలో అత్యవసర వినియోగం కింద స్పుత్నిక్-వీ వ్యాక్సిన్ వినియోగానికి అక్కడి ప్రభుత్వం అనుమతి ఇచ్చింది. ముందుగా 60 ఏళ్లు పైబడిన వారికి వేసేందుకు ఆమోద ముద్ర పడింది. రష్యాలో ఇప్పటికే దాదాపు 2 లక్షల మందికి పైగా వ్యాక్సిన్‌ను పంపిణీ చేశారు. 60 ఏళ్లకు పై బడిన వారిపై స్పుత్నిక్-వీ వ్యాక్సిన్‌ను రష్యా పరీక్షించింది.
ప్రయోగ పరీక్షల్లో ఫలితాలు సానుకూలంగా రావడంతో స్పుత్నిక్ వ్యాక్సిన్‌కు అనుమతి ఇస్తున్నట్లు రష్యా ప్రకటించింది. తమ వ్యాక్సిన్ ఎగుమతులకు ఇప్పటికే తాము అనేక దేశాలతో ఒప్పందాలు చేసుకున్నట్లు తెలిపింది. మరోవైపు, స్పుత్నిక్-వీ వ్యాక్సిన్ వినియోగానికి ఇప్పటికే అర్జంటీనా, బెలారస్ దేశాలు అనుమతులు ఇచ్చాయి. స్పుత్నిక్-వీ వ్యాక్సిన్ మెరుగైన ఫలితాలను ఇస్తోందని కొన్ని నెలల ముందే రష్యా ప్రకటించిన విషయం తెలిసిందే.
ప్రయోగ పరీక్షల్లో ఫలితాలు సానుకూలంగా రావడంతో స్పుత్నిక్ వ్యాక్సిన్‌కు అనుమతి ఇస్తున్నట్లు రష్యా ప్రకటించింది. తమ వ్యాక్సిన్ ఎగుమతులకు ఇప్పటికే తాము అనేక దేశాలతో ఒప్పందాలు చేసుకున్నట్లు తెలిపింది. మరోవైపు, స్పుత్నిక్-వీ వ్యాక్సిన్ వినియోగానికి ఇప్పటికే అర్జంటీనా, బెలారస్ దేశాలు అనుమతులు ఇచ్చాయి. స్పుత్నిక్-వీ వ్యాక్సిన్ మెరుగైన ఫలితాలను ఇస్తోందని కొన్ని నెలల ముందే రష్యా ప్రకటించిన విషయం తెలిసిందే.