హైదరాబాదు ఎయిర్ పోర్టులో సందడి చేసిన పవన్ కుటుంబ సభ్యులు

ఇటీవల రాజస్థాన్ లో కొణిదెల నిహారిక పెళ్లి జరగ్గా, ఆ వేడుకలో పవన్ కల్యాణ్ అర్ధాంగి అన్నా లెజ్నెవా కనిపించకపోవడం చర్చనీయాంశం అయింది. అయితే అన్నా లెజ్నెవా ఆ సమయంలో భారత్ లో లేదని వెల్లడైంది. రష్యాలో తన తల్లిదండ్రుల వద్దకు వెళ్లిన ఆమె తాజాగా నగరానికి తిరిగొచ్చారు. కుమార్తె పొలెనా అంజనా పవనోవా, కుమారుడు మార్క్ శంకర్ పవనోవిచ్ లతో ఎయిర్ పోర్టులో కనిపించిన అన్నా లెజ్నెవాను గుర్తించిన పలువురు తమ కెమెరాల్లో బంధించారు. ఈ ఫొటోలు సోషల్ మీడియాలో విపరీతంగా సందడి చేస్తున్నాయి.