Gukesh: గుకేశ్‌కు ఎలాన్ మస్క్ కంగ్రాట్స్!
- 18 ఏళ్లకే వ‌ర‌ల్డ్ చెస్ ఛాంపియ‌న్‌గా నిలిచిన గుకేశ్
- చైనాకు చెందిన డింగ్‌ లిరెన్‌ను ఓడించి ప్రపంచ ఛాంపియన్ షిప్ కైవసం
- దీంతో మ‌నోడిపై స‌ర్వాత్ర ప్ర‌శంస‌లు
- గుకేశ్‌కు సోష‌ల్ మీడియా వేదిక‌గా అభినంద‌న‌లు తెలిపిన మస్క్
భారత యువ గ్రాండ్ మాస్టర్ దొమ్మరాజు గుకేశ్ ప్రపంచ చెస్ ఛాంపియన్‌షిప్‌లో చారిత్రాత్మక విజయం సాధించిన విష‌యం తెలిసిందే. చైనాకు చెందిన డింగ్‌ లిరెన్‌ను ఓడించి గుకేశ్ ప్రపంచ ఛాంపియన్ గా అవ‌త‌రించాడు. 18 ఏళ్లకే ఇలా వ‌ర‌ల్డ్ చెస్ ఛాంపియ‌న్‌గా నిలిచాడు. త‌ద్వారా ఈ ప్రతిష్ఠాత్మక టైటిల్‌ను గెలుచుకున్న అతి పిన్న వయస్కుడైన (18ఏళ్ల 8నెలల 14రోజులు) ఆటగాడిగా చరిత్ర సృష్టించాడు.
దీంతో మ‌నోడిపై సర్వత్రా ప్ర‌శంస‌ల వ‌ర్షం కురుస్తోంది. తాజాగా టెస్లా, స్పేస్‌ ఎక్స్ అధినేత, అప‌ర కుబేరుడు ఎలాన్ మస్క్ కూడా గుకేశ్‌కు సోష‌ల్ మీడియా వేదిక‌గా అభినంద‌న‌లు తెలిపారు. ఈ మేర‌కు 'ఎక్స్' (ట్విట్ట‌ర్) వేదిక‌గా కంగ్రాట్స్ చెబుతూ మస్క్ స్పెష‌ల్‌ పోస్ట్ పెట్టారు. ఇప్పుడీ ట్వీట్ సోష‌ల్ మీడియాలో వైర‌ల్ అవుతోంది.
