: దేవుళ్లను పూజించేవారిని, గో మూత్రం తాగేవారిని హ‌త‌మార్చండి: ఐఎస్ఐఎస్
ఉగ్ర‌వాద సంస్థ ఐఎస్ఐఎస్ ప్రచురించిన ఎనిమిది పేజీల వ్యాసం ఒకటి బ‌య‌ట ప‌డింది. అందులో జిహాదీల‌కు ఐఎస్ఐఎస్ ప‌లు సూచ‌న‌లు చేసింది. ఇస్లాంకు ద్రోహం చేసే మత అవిశ్వాసకులను చంపేయాల‌ని పేర్కొంది. దేవుళ్లను పూజించేవారిని, గో మూత్రం తాగేవారిని జిహాదీలు హ‌త‌మార్చాల‌ని చెప్పింది. అలాగే ఇండియాకు చెందిన అధికారులను, రీసెర్చ్‌ అండ్‌ అనాలసిస్‌ వింగ్‌ గూఢచారులను, పాకిస్థాన్‌కు చెందిన ఐఎస్‌ఐ అధికారులను మ‌ట్టుబెట్టాల‌ని ఆదేశించింది. వీరంతా మతానికి ద్రోహం చేస్తున్నారు కాబ‌ట్టి అల్లా ప్రకారం వారంద‌రూ శిక్షార్హులేనని తెలిపింది.
త‌మ మ‌తాన్ని న‌మ్మ‌ని వారికి వ్యతిరేకంగా జమ్ముకశ్మీర్‌లోని ముస్లింలు తిరుగుబాటు చేస్తున్న‌ప్ప‌టికీ, వారు స్వాతంత్ర్యం కోసం మాత్ర‌మే పోరాడుతున్నార‌ని చెప్పింది. అక్క‌డి ప్ర‌జ‌లు ఖలీఫా రాజ్యాన్ని కోరుకోవడం లేదని, వారు స‌రైన మార్గంలో ప్రయాణించ‌డం లేదని తెలిపింది. ప్రాణాలను త్యాగం చేస‌యినా స‌రే కశ్మీర్‌లో ఖలీఫా రాజ్యాన్ని స్థాపించాల‌ని సూచించింది.
