: అమెరికాలో కాల్పుల కలకలం ... భారతీయుడి మృతి!
అమెరికాలో మళ్లీ కాల్పుల కలకలం రేగింది. యూఎస్ లోని టెన్నెస్సే లోని ఓ హోటల్ పై దుండగుడు విచక్షణా రహితంగా జరిపిన కాల్పుల్లో ఒక భారతీయుడు మృతి చెందడం కలచివేస్తోంది. అమెరికన్ బెస్ట్ వాల్యూ సోర్స్ హోటల్ లో హౌస్ కీపర్ గా పని చేస్తున్న ఖండూ పటేల్... విధులు ముగించుకుని, హోటల్ వెనుక భాగం నుంచి వెళుతుండగా, దుండగుడు కాల్పులు జరిపాడు.
దీంతో ఒక బుల్లెట్ తగలడంతో ఖండూ పటేల్ నేలకూలాడు. తీవ్ర గాయాలపాలైన అతనిని ఆసుపత్రికి తరలించగా, తీవ్ర రక్తస్రావం కారణంగా ఆయన మృతి చెందాడు. ఆయన ఎనిమిది నెలల క్రితమే అక్కడ జాయిన్ అయినట్టు సమాచారం. ఆయనకు భార్య, ఇద్దరు పిల్లలు ఉన్నట్టు తెలుస్తోంది. దీంతో, అమెరికాలో జాత్యహంకార దాడులు ప్రారంభమైన అనంతరం అమెరికన్లు జరిపిన కాల్పుల్లో ఇప్పటి వరకు ఐదుగురు భారతీయులు మృతి చెందారు.
