: ఆస్ట్రేలియాను వణికిస్తున్న భారీ తుపాను.. సురక్షిత ప్రాంతాలకు 25 వేల మంది తరలింపు!
భారీ తుపాను ఆస్ట్రేలియాను వణికిస్తోంది. ఆ దేశ నైరుతి ప్రాంతంలో సంభవించిన తుపాను ప్రజలను భయభ్రాంతులకు గురిచేస్తోంది. తుపాను ప్రభావంతో గంటకు 280 కిలోమీటర్ల వేగంతో ఈదురు గాలులు వీస్తున్నాయి. క్వీన్స్‌లాండ్ వైపు నుంచి దూసుకొస్తున్న ఈ గాలులు బీభత్సం సృష్టిస్తున్నాయి. ఎగసిపడుతున్న సముద్రపు అలల ధాటికి భారీ ఆస్తి నష్టం సంభవించింది. తుపానుతో అప్రమత్తమైన ప్రభుత్వం 25 వేల మంది తీర ప్రాంత వాసులను సురక్షిత ప్రాంతాలకు తరలించింది. ప్రజలు అప్రమత్తంగా ఉండాలని హెచ్చరికలు జారీ చేసింది.
