: ‘స్విస్ ఛాలెంజ్ విధానంపై కేసు’లో ఎలా ముందుకు వెళదాం?.. కొనసాగుతున్న ఏపీ మంత్రివర్గ సమావేశం

---

విజయవాడలోని ముఖ్యమంత్రి కార్యాలయంలో ఆంధ్ర‌ప్ర‌దేశ్ మంత్రివర్గం సమావేశమైంది. ఇటీవ‌లే యూరిలో పాక్ ఉగ్ర‌వాదులు జ‌రిపిన దాడిలో అమ‌రులైన జ‌వాన్ల‌కు మంత్రివ‌ర్గం శ్ర‌ద్ధాంజ‌లి ఘ‌టించింది. బీసీసీఐ సెలక్షన్‌ కమిటీ ఛైర్మన్‌గా ఆ బోర్డులోని సెలెక్షన్ కమిటీ సభ్యుడు, గుంటూరుకు చెందిన ఎమ్మెస్కే ప్రసాద్ ఎన్నికయిన విషయం తెలిసిందే. దీంతో మంత్రివ‌ర్గం ఆయ‌నకు అభినంద‌న‌లు తెలిపింది. నిన్న ఢిల్లీలో ఉమాభార‌తి ఆధ్వ‌ర్యంలో జ‌రిగిన అపెక్స్ క‌మిటీ భేటీలోని అంశాలు, వ‌చ్చే నెల 3 నుంచి అమ‌రావ‌తి నుంచి ప్ర‌భుత్వ పాల‌న అంశాలపై ముఖ్య‌మంత్రి చంద్ర‌బాబు నాయుడు మంత్రుల‌తో చ‌ర్చిస్తున్నారు. అంతేగాక‌, అమ‌రావ‌తి నిర్మాణానికి అనుస‌రిస్తోన్న‌ స్విస్ ఛాలెంజ్ విధానంపై వేసిన కేసుపై కూడా ఆయ‌న చ‌ర్చిస్తున్న‌ారు.