: స్వయంగా అరిసెలు చేసి మంత్రి పల్లె రఘునాధరెడ్డికి పెట్టిన పరిటాల సునీత
వాడవాడలా సంక్రాంతి సంబరాలు అంబరాన్ని తాకుతుండగా, అనంతపురంలో జరిగిన కార్యక్రమంలో ఆంధ్రప్రదేశ్ మంత్రులు పరిటాల సునీత, పల్లె రఘునాధరెడ్డిలు పాల్గొన్నారు. ఈ సందర్భంగా చంద్రన్న సంక్రాంతి కానుకలుగా ఇచ్చిన వస్తువులతో స్వయంగా అరిసెలు చేసిన సునీత, వాటిని రఘునాధరెడ్డికి అందించారు. ఆపై గంగిరెద్దుల విన్యాసాలు, ముగ్గుల పోటీలను తిలకించారు. చిన్నారులపై బోగిపళ్లు పోశారు. అందంగా అలంకరించిన జోడెడ్ల బండిపై చర్నాకోల చేతబట్టి నిలబడ్డ రఘునాధరెడ్డి కాసేపు ఎడ్లను అదిలించారు. ఆపై యువ క్రీడాకారులతో కలసి కబడ్డీ ఆడారు. మిగతా జిల్లాల్లో సైతం ఇదే విధమైన కార్యక్రమాలు ప్రభుత్వం తరఫున జరుగుతున్నాయి.
