: విదేశీ పర్యటనకు బయలుదేరిన ప్రధాని మోదీ... ఆరు దేశాల్లో పర్యటన

---

రష్యాతో పాటు ఆరు దేశాల పర్యటనకు ప్రధాన మంత్రి నరేంద్ర మోదీ బయలుదేరారు. కొద్దిసేపటి క్రితం ఆయన ఢిల్లీ నుంచి ఉజ్బెకిస్థాన్ కు బయలుదేరి వెళ్లారు. తొలుత ఉజ్బెక్ లో కాలుమోపనున్న నరేంద్ర మోదీ, అక్కడ తన పర్యటనను ముగించుకుని కజకిస్థాన్, ఆ తర్వాత రష్యా బయలుదేరతారు. రష్యా పర్యటన సందర్భంగా ఆ దేశంతో భారత్ సంబంధాల పటిష్ఠతకు సంబంధించి నరేంద్ర మోదీ పలు కీలక ఒప్పందాలు కుదుర్చుకోనున్నారు. బ్రిక్స్ సమావేశాల్లోనూ ప్రధాని పాలుపంచుకుంటారు. అనంతరం తుర్కుమెనిస్థాన్, కిర్గిస్థాన్, తజకిస్థాన్ దేశాల్లోనూ పర్యటిస్తారు. నేటి నుంచి ఈ నెల 12 దాకా ఆ దేశాల్లో పర్యటించనున్న మోదీ, 13న స్వదేశం బయలుదేరతారు.