: ఐసీసీ ర్యాంకింగ్స్ లో మెరుగుపడ్డ టీమిండియా ఓపెనర్లు... నిలకడగా విరాట్ స్థానం
ఐసీసీ తాజాగా ప్రకటించిన వన్డే ర్యాకింగ్స్ లో భారతజట్టు ఓపెనర్లు శిఖర్ ధావన్, రోహిత్ శర్మల స్థానాలు మెరుగుపడ్డాయి. ధావన్ 6వ స్థానంలో నిలవగా, రోహిత్ ఏకంగా ఏడు స్థానాలు మెరుగుపర్చుకున్నాడు. దాంతో ఆస్ట్రేలియా ఆటగాడు మైకేల్ క్లార్క్, పాకిస్థాన్ ఆటగాడు మిస్బాతో కలసి రోహిత్ 12వ ర్యాంకులో నిలిచాడు. ఇక విరాట్ కోహ్లీ తన నాలుగవ స్థానంలోనే ఉన్నాడు. ఇటు కెప్టెన్ మహేంద్ర సింగ్ ధోనీ 8వ స్థానంలో నిలిచాడు. దక్షిణాఫ్రికా కెప్టెన్ ఏబీ డివిలియర్స్ అగ్రస్థానంలో కొనసాగుతున్నాడు. బౌలర్ల విభాగంలో ఆసీస్ బౌలర్ మిచెల్ స్టార్క్ మొదటిసారి తొలిస్థానం దక్కించుకున్నాడు. భారత్ బౌలర్ ఉమేష్ యాదవ్ 16 స్థానాలు ఎగబాకి 18వ ర్యాంకు సాధించుకున్నాడు. వరల్డ్ కప్ విజేత ఆస్ట్రేలియా జట్టు నంబర్ వన్ స్థానంలో ఉంది. భారతజట్టు రెండో స్థానంలో కొనసాగుతోంది.
