: విజయనగరం జిల్లాలో ఇళ్లలోకి చొచ్చుకొస్తున్న అలలు
శరవేగంగా దూసుకొస్తున్న హుదూద్ ప్రభావంతో సముద్రం భయానకంగా మారింది. ఈ నేపథ్యంలో, విజయనగరం జిల్లా బోగాపురం మండలం ముక్కాములో రాకాసి అలలు 5 మీటర్ల ఎత్తుకు ఎగసిపడుతూ, ఒడ్డున ఉన్న ఇళ్లలోకి చొచ్చుకు వస్తున్నాయి. దీంతో, తమ నివాసాలు దెబ్బతింటాయని గ్రామస్తులు ఆందోళన చెందుతున్నారు. అధికారులు ప్రజలను బలవంతంగా సురక్షిత ప్రాంతాలను తరలిస్తున్నారు. ఇప్పటికే, సముద్రం ఒడ్డున ఉన్న పడవలు దెబ్బతిన్నాయని తెలుస్తోంది.
