: మీది 'ఏబీ' బ్లడ్ గ్రూపా..? అయితే, ఇది చదవండి!
డిమెన్షియా... వార్ధక్యంలో వచ్చే జబ్బుల్లో ఇదీ ఒకటి. 'చిత్తచాంచల్యం'గా పరిగణిస్తారు దీన్ని. అయితే, వెర్మోంట్ యూనివర్శిటీకి చెందిన పరిశోధకులు డిమెన్షియాకు వ్యక్తుల బ్లడ్ గ్రూపుకు సంబంధం ఉంటుందని అంటున్నారు. ఈమేరకు ఓ అధ్యయనం నిర్వహించారు. మిగతా బ్లడ్ గ్రూపుల కంటే, 'ఏబీ' గ్రూపు వ్యక్తుల్లో వయసు పైబడే కొద్దీ ఈ వ్యాధి లక్షణాలు తలెత్తడానికి ఎక్కువ అవకాశాలు ఉన్నాయట. ప్రపంచ జనాభాలో 4 శాతం ఏబీ గ్రూపు వ్యక్తులే కాగా, వారిలో 82 శాతం వృద్ధాప్యంలో డిమెన్షియాకు గురయ్యే చాన్సులున్నాయని అధ్యయనకర్త మేరీ కుష్మన్ తెలిపారు. ఈ అధ్యయనంలో భాగంగా 587 మందిని పరిశీలించగా, 495 మందిలో డిమెన్షియా లక్షణాలు కనిపించాయి. దీంతో, బ్లడ్ గ్రూపుకు ఈ మెదడు సంబంధ వ్యాధికి సంబంధం ఉంటుందన్న విషయం వెల్లడైందని కుష్మన్ పేర్కొన్నారు. కాగా, పరిశోధకులు మరో విషయాన్ని కూడా గుర్తించారు. రక్తం గడ్డ కట్టేందుకు తోడ్పడే వీ3 ప్రొటీన్ స్థాయులు ఎక్కువైనా గానీ డిమెన్షియా ముప్పు ఉంటుందని తెలిపారు.
