: తెలంగాణ తొలి ముఖ్యమంత్రిగా జూన్ 2న కేసీఆర్ ప్రమాణం!
తెలంగాణ రాష్ట్ర తొలి ముఖ్యమంత్రిగా టీఆర్ఎస్ అధినేత కేసీఆర్ జూన్ 2న ప్రమాణ స్వీకారం చేయనున్నారు. ఆ రోజు మధ్యాహ్నం 12.55 నుంచి ఒంటి గంట మధ్య మంచి ముహూర్తం ఉందని పండితులు చెప్పడంతో ఆయన దీనికే మొగ్గుచూపుతున్నట్టు సమాచారం. హైదరాబాద్, ఎల్బీ స్టేడియంలో ప్రమాణ స్వీకార కార్యక్రమాన్ని నిర్వహించాలని భావిస్తున్నప్పటికి, ఎండ వేడిమిని దృష్టిలో పెట్టుకొని ఈ కార్యక్రమాన్ని రాజ్ భవన్ లో పెట్టుకోవాలన్న ప్రతిపాదనను కూడా పరిశీలిస్తున్నట్టు తెలుస్తోంది. ఒకట్రెండు రోజుల్లో దీనిపై స్పష్టత వచ్చే అవకాశం ఉందని భావిస్తున్నారు.
