: ఒక్క పరీక్ష మీ ఆరోగ్యానికి రక్షా కవచం

కొవ్వుతో జీవక్రియలకు ఎంత లాభం ఉందో శ్రుతి మించితే అంతకంటే హాని కూడా ఉంటుంది. కొలెస్టరాల్ అనేది కాలేయం ద్వారా ఉత్ప్తత్తయ్యే ఒక రసాయనం. కొవ్వులో ముఖ్యంగా రెండు రకాలున్నాయి. మంచి, చెడు. మంచి కొవ్వునే హెచ్ డీ ఎల్ కొలెస్టరాల్ అంటారు. ఇది ఎంత ఎక్కువ ఉంటే మీ ఆరోగ్యం అంత గట్టిగా ఉన్నట్లు. మంచి కొవ్వు ఆరోగ్యానికి రక్షా కవచంలా పనిచేస్తుంది. బీపీ, గుండె జబ్బులు సహా పలు రకాల సమ్యలను మీ దరిచేరనీయకుండా కాపాడుతుంది.

మరి మంచి కొవ్వు నేడు ఎంత మందిలో ఎంత శాతం ఉంటుంది..? చాలా తక్కువ మందిలోనే ఇది ఉండాల్సిన స్థాయిలో ఉంటుంది. ఎక్కువ మందిలో ఇది వెతికి చూస్తే ఉండాల్సినంత కూడా కనిపించదు. కొందరిలో మరీ తక్కువగా ఉంటుంది. హెచ్ డీ ఎల్ కొలెస్టరాల్ 65 పాయింట్లకు పైన ఉంటే మీ ఆరోగ్యానికి మంచిది. అదే సమయంలో 40 పాయింట్ల లోపు ఉందంటే మీపై వ్యాధులు దాడి చేయడానికి సదా సిద్ధంగా ఉన్నట్లే.