: మొబైల్‌ అంటేపిచ్చా.. క్యాన్సర్‌తో జాగ్రత్త
మొబైల్‌ ఫోను వినియోగం శృతి మించితే.. రకరకాల అనర్థాలు ఆరోగ్యపరంగా తప్పవంటూ ఇప్పటికే అనేక అధ్యయనాలు మనకు చెబుతున్నాయి. తాజాగా అంతర్జాతీయ క్యాన్సర్‌ అధ్యయన సంస్థ (ఐఏఆర్సీ) ఓ కొత్త బాంబు వేస్తోంది. సెల్‌ఫోన్ల అతి వినియోగం క్యాన్సర్‌ వ్యాధిని కూడా కలిగిస్తుందిట. సెల్‌ఫోన్‌ నుంచి వచ్చే రేడియేషన్‌, విద్యుదయస్కాంత తరంగాలు, లాలాజల గ్రంథులను ప్రభావితం చేస్తాయని ఈ సంస్థ వెల్లడిస్తోంది.
సెల్‌ లను ఎక్కువగా వాడే కొందరిని శాంపిల్‌గా తీసుకుని వారి లాలాజల గ్రంథులను ఈ సంస్థ పరిశీలించింది. తక్కువగా మొబైల్‌ వాడే వారితో పోలిస్తే.. వీరి లాలాజల గ్రంథుల నుంచి ఆక్సిడెంట్లు ఎక్కువగా ఉత్పన్నం అవుతున్నట్లు గుర్తించారు. వీటి వలన జన్యునిర్మాణం మారవచ్చునని, ఇది అంతిమంగా క్యాన్సర్‌ను కలిగిస్తుందని వారు ఆందోళన వ్యక్తం చేస్తున్నారు.
