: నామినేషన్ల పర్వం ముగిసింది
రాష్ట్రంలో పంచాయతీ ఎన్నికల నేపథ్యంలో నామినేషన్ల పర్వం ముగిసింది. నామినేషన్లు దాఖలు చేయడానికి నేడు ఆఖరి రోజు కావడంతో కొన్ని చోట్ల ఉద్రిక్త పరిస్థితులు చోటు చేసుకున్నాయి. సమయం మించినా నామినేషన్లు స్వీకరించారని కృష్ణా జిల్లా పామర్రు మండలం కొమరవోలులో ఓ వర్గంవారు ఆందోళనకు యత్నించారు. ఇక చిత్తూరు జిల్లాలో కాంగ్రెస్, వైఎస్సార్సీపీ వర్గాల మధ్య ఘర్షణ జరిగింది. పెండ్యాల మండలం కంచికచర్ల పంచాయతీకి ఒక్క నామినేషన్ కూడా దాఖలు కాలేదు. ఎస్సీ రిజర్వేషన్ కావడంతో గ్రామంలో ఎస్సీలు ఎవరూ లేకపోవడంతో ఈ పరిస్థితి ఉత్పన్నమైంది. ఇక చెదురుమదురు ఘటనలు మినహా రాష్ట్ర వ్యాప్తంగా నామినేషన్ల దాఖలు ప్రక్రియ ప్రశాంతంగా ముగిసినట్టే.
